Անանիա Շիրակացի– 1400                                      

Անանիա Շիրակացին (612-685) միջնադարի հայ խոշորագույն գիտնականն էր: Լինելով փիլիսոփա, մաթեմատիկոս, տիեզերաբան, տոմարագետ` նա Հայաստանում հիմնադրեց ճշգրիտ և բնական գիտությունները: Ունենալով իր դարաշրջանի համար առաջադեմ աստղագիտական հայացքներ և թողնելով հարուստ աստղագիտական ժառանգություն` Շիրակացին իրավացիորեն համարվում է աստղագիտության հիմնադիրը Հայաստանում: Նրա թողած գիտական ժառանգությունը զգալի ազդեցություն է ունեցել Հայաստանի բնական գիտությունների հետագա զարգացման վրա:  

ՅՈՒՆԵՍԿՕԱնանիա Շիրակացու 1400-ամյակը ներառել է 2012թ. կարևորագույն տարեդարձների իր ցանկում (Մեսրոպ Մաշտոցի 1650-ամյակն ու Սայաթ-Նովայի 300-ամյակը նույնպես այս ցանկում են):

 
ՀՀ կառավարությունը որոշել է 2012թ. նշել Անանիա Շիրակացու 1400-ամյակը: Ստեղծվել է հոբելյանական հանձնաժողով` վարչապետի գլխավորությամբ, որը ներառում է ներկայացուցիչներ պետական կազմակերպություններից և գիտահետազոտական ինստիտուտներից: Ներգրավված են մի քանի նախարարություններ, ինստիտուտներ և կազմակերպություններ.
  • ՀՀ Մշակույթի նախարարություն
  • ՀՀ Գիտության և կրթության նախարարություն
  • ՀՀ Արտաքին գործերի նախարարություն
  • ՀՀ Գիտությունների ազգային ակադեմիա (ՀՀ ԳԱԱ)
  • ՀՀ ԳԱԱ Բյուրականի աստղադիտարան
  • ՀՀ ԳԱԱ Պատմության ինստիտուտ
  • ՀՀ ԳԱԱ Հնագիտության և ազգագրության ինստիտուտ
  • Մատենադարան (հին ձեռագրերի գիտահետազոտական ինստիտուտ- թանգարան)
  • Երևանի պետական համալսարան (ԵՊՀ)
  • Հայաստանի պետական մանկավարժական համալսարան (ՀՊՄՀ)
  • Անանիա Շիրակացու անվան ճեմարան